ПМХЗ-да «Таза Қазақстан» балалар сурет байқауының қорытындысы шықты

Павлодар мұнай-химия зауытында балалар сурет байқауының жеңімпаздары мен қатысушылары марапатталды. Бұл шығармашылық сайыс Дүниежүзілік қоршаған ортаны қорғау күніне орай ұйымдастырылды. Іс-шараның мақсаты — балалардың табиғатқа және оның ресурстарына деген сүйіпсеншілік көзқарасын қалыптастыру. Шығармашылық арқылы жас ұрпақтың экологиялық ой-санасы дамып, олар планетамыздың болашағына жауапкершілікпен қарауға үйренеді.

Байқауға зауыт пен сервистік компания қызметкерлерінің балалары қатысты. Оның аясында 7 мен 12 жас аралығындағы бүлдіршіндер «Таза Қазақстан» тақырыбында бір сурет салып, оны қоршаған ортаны қорғау қызметіне жолдауы керек еді. Жұмыстар мамыр айының соңғы аптасында қабылданды. Барлығы 53 жас суретші өз жұмысын ұсынды.

Шығармашылық байқауды ұйымдастыруға «Нефтепереработчик» жергілікті кәсіподақ ұйымы»» ҚБ қолдау көрсетті. Байқау қатысушыларын марапаттауға арналған шараға балалар зауытқа арнайы шақырылды. Олар үшін зауыт музейінде танымдық экскурсия ұйымдастырылып, ата-аналары еңбек ететін өндіріс орнымен жақынырақ танысу мүмкіндігі туды.

Байқау қорытындысы бойынша бірінші орынды Таисия Осадчая, екінші орынды Ксения Гнускина, ал үшінші орынды Альнұр Мусадилов иеленді. 

«ПМХЗ» ЖШС бас директорының орынбасары – техникалық директор Сергей Петрук балаларға алғысын білдіріп, дипломдар мен сертификаттар табыстады.